ŞOK: Azərbaycanda qəbristanlıq qarət olundu

Cəlilabad rayonda Qəbiristanlığın çəpəri sökülərək oğurlanıb. Hadisə rayonun Pərdi kəndində baş verib.

Vətəninfo.az SOS online TV-yə istinadən xəbər verir ki, hündür təpə ərazisində kənddən təxminən 2 km kənarda yerləşən məzarlığın çəpərləri axşam saatlarında naməlum şəxslər tərəfindən oğurlanıb. Nəticədə iribuynuzlu heyvanlar qəbristanlığa daxil olaraq qəbirləri tapdayır.

Kənd sakinlərinin sözlərinə görə bəzi insanlar öz doğmalarının qəbirləri mal-qaranın tapdağı altında qalmasın deyə qəbirlərin ətrafına dəmir hasarlar çəkdiriblər. Lakin buna imkanı çatmayan insanların yaxınlarının qəbiri hər gün çəpərsiz qalmış məzarlığa daxil olan heyvanların tapdağı altında qalır.

Çəpərlərin oğurlanması ilə bağlı kənd sakinləri Daxili İşlər Nazirliyinin 102 xidmətinə və rayon polis şöbəsinə məlumat veriblər. Lakin hadisədən 10 gündən çox vaxt keçməsinə baxmayaraq hələ ki , cinayəti törədən şəxslər tapılmayıb. Elə sakinləri də bu narahat edir.

Cəlilabad rayon polis şöbəsindən bildirildi ki, hələ ki, faktla bağlı şübhəli şəxs qismində saxlanılan olmasa da cinayəti törədən şəxs və ya şəxslərin tapılaraq istintağa cəlb olunması istiqamətində əməliyyat axtarış tədbirləri davam etdirilir.