Soydaşlarımıza zərbə: ləzgi liderin vəzifəsi artırıldı

Dərbənd şəhərinin rəhbəri İmam Yaraliyev deputatlar tərəfindən Şəhər Məclisinin rəhbəri seçilib.

Axar.az xəbər verir ki, bu barədə açıqlamanı Dərbənd Şəhər Administrasiyası yayıb.

 Məlumatda Yaraliyevin 31 dekabr 2014-cü ildə deputat səlahiyyətlərinin bitdiyi Talidin Mameyevin yerinə Şəhər Məclisinə deputat seçildiyi bildirilib. Həmçinin iclasda Məclis sədri Mövsüm Rəhimov da istefa verib. Bundan sonra “Vahid Rusiya”, “Ədalətli Rusiya”, “Rusiya vətənpərvərləri” İmam Yaraliyevi Məclis sədrliyinə yekdilliklə irəli sürbülər. Beləliklə, Şəhər Məclisinin sədri seçilən Yaraliyev həm də şəhər rəhbəri vəzifəsində qalıb. Mövsüm Rəhimova isə Dərbənd Şəhər Administrasiyasının rəhbəri vəzifəsini müvəqqəti icra etmək tapşırılıb.

 İmam Yaraliyev 2010-cu ildə Dərbəndə rəhbər seçilib. Onun səlahiyyətləri 2015-ci ildə bitir. Yeni vəzifəsi sayəsində o, şəhər rəhbərliyində 2016-cı ilə qədər qala biləcək.

 Xatırladaq ki, bir müddət öncə soydaşlarımız onlara qarşı olan ayrı-seçkilik və azərbaycanlılara məxsus mədəniyyət abidələrinə ziyan vurulmasında fəaliyyətsizliyinə görə Yaraliyevin istefaya göndərilməsi üçün etiraz aksiyası keçirmişdilər.