"Suriyda Türkiyənin "Fərat qalxanı" hərbi əməliyyatları 174- cü gündür ki,  davam etməkdədir. Bu zaman ərzində İŞİD-in 2000-dən çox hədəfləri və bir,  o qədər də canlı qüvvəsi məhv edilib. Bu əməliyyat nəticəsində,  Türkiyənin cənub sərhədlərində müəyyən qədər terrror təhlükəsi aradan götürülüb, sabitliyə yol açmaqdadır.  Xüsusilə, Suriyada TSK-nın  ASO ilə birgə anti- terror fəaliyyəti, koalisiya qüvvələrinin aylardı apardığı əməliyyatları kölgədə qoymuş oldu. Artıq, Türkiyənin 30 km -də olan strateji cəhətdən əhəmiyyətli və İŞİD nəzarətində olan Əl-Bab şəhərinin terrorçulardan təmizlənməsi yekunlaşmaqdadır." 

"Türkiyənin bundan sonrakı yeni hədəfi Kürd terrorçularının nəzarətində olan Membic qəsəbəsidir. YPG tərəfindən nəzarətdə olan bu ərazilər, kürdlərin "muxtariyyət" planının bir hissəsidir. Əl-Bandan sonra Türkiyənin Membicə doğru irəlləməsi isə, gərgin ABŞ dəstəkçisi YPG ilə toqquşmalara gətirib çıxarda bilər.  Artıq, YPG türklərin Membicə gələcəyinə qarşılıq verəcəyini bəyan edib. Qeyd edim ki, YPG (Suriya Demokratik qüvvələri) adlanan silahlı terror təşkilatı  ABŞ tərəfindən silahlandırılmaqda və yeni zirehli texnika verilməkdədir. Məhz Türkiyənin "Fərat qalxanı" əməliyyatı şimali Suriyada "kürd muxtariyyətinin" qarşısın almağa hesablanıb. Əgər Türkiyə YPG -nin təhdidləri  qarşısında Membicə girməkdən  çəkinərsə, "Fərat qalxanı" fiaskoya uğraya bilər. Bu da kürdlərə yeni ərazilər işğal etməyi həvəsləndirər. Qeyd edim ki, Türkiyənin YPG qarşısında pəs etməsi gözlənilmir. Trampın Türkiyə ilə əlaqləri bərpa etməsi, Türkiyənin ABŞ-ın YPG dəstəyindən  çəkmək israrının tam aydınlaşmasa da, görünür ortada razılaşma var. Çünki, Ərdoğan açıq şəkildə Membicə gedəcəklərini vurğulayır.

 

Qeyd etmək lazımdır ki, ABŞ YPG-ni İŞİD qarşı  müttəfiqi hesab edir və ənənəvi müttəfiqi olan Türkiyə ilə toqquşmasının qarşısın almağa qadirdir. Hərçənd ki, bu toqquşmanın  baş verməməsi üçün, YPG Membici tərk etməlidir.  Əgər mümkün toqquşma baş verərsə, ABŞ kürdləri silahlandırsa, Türkiyəni itirəcək. Artıq vəziyyət çox mürəkkəbdir və kürdlər üçün Suriyada  nəzərdə tutulan "muxtariyyət" planını Türkiyə kağız üzərində  saxlamağı planlaşdırıb.  Ərdoğan Suriyada 5-min kv. km. ərazidə təhlükəsizlik zona yaradılması istiqamətində işlərin aparılacağınıda vurğulayır. Onun Səudiyyə Ərəbistanı və körfəz ölkələrinə səfəri,  bu ölkələrin dəstəyin almaq, həmçinin aydın məsələdir ki, Səudiyyə və Qətər İŞİD-in  əsas maliyyə qaynağı kimi, Türkiyəni də artıq narahat edir və Ərdoğan çalışır ki, bu maliyyə qaynağı kəsilsin. Həm də İranın Suriyada aktiv roluna qarşı koalisiya yaratsın. İŞİD Suriyada davam etməkdə olacaqsa, İranın Suriyada hərbi əməliyyatlarına bəhanə veriləcək. Artıq 6 ildir ki, İŞİD , Nusra və digər terror təşkilatları ilə Əsədin devrilməsi mümkünsüz hala gəlib. De-fakto Əsəd və tərəfdarları terrorçulara qalib gəlməkdədir. Hazırda İŞİD -in əlində strateji Rakka şəhəri qalıb.  Proseslər irəllədikcə, yay aylarında Rakkada İŞİD-dən təmizlənəcək"-deyə politoloq Məhəmməd Əsədullazadə bildiridi.

"Vurğulamaq laımdır ki, Suriyada "kürd muxtariyyəti" məsələsi nə qədər, gündəmdə olacaqsa, Türkiyə  hərbiçilərini Suriyadan çıxarmayacaq. Suriyada siyasi sabitlik və ərazi bütövlüyü bərpa edilındən sonra, TSK buranı tərk edə bilər. Hazırda beynəlxalq qüvvələrin toqquşduğu poliqona çevrilən  Suriyada tezliklə  suların drulmayacağı görünür. Çünki, hakim Bəşər Əsəd rejimini müdafiə edən İran və Rusiyada Suriyada üstünlük uğrunda siyasi mübarizə aparır. Suriyada ordu və yuxarı siyasi isteblişment arasında  Rusiya və İran rəğbət bəsləyənlərə bölünüb. Burada kimlərin üstünlük olacağı isə, bir müddətdən sonra aydınlaşacaq. Növbəti Astana görüşlərin təxirə salınması və Cenevrədə gözlənilən Suriya danışıqları,  Rusiya və İranın narazılıq fonunda baş verir. Türkiyə artıq, bu üçlükdən kənarlaşmaqdadır.  Əl -Baba da Suriya və Türkiyə ordusu üz-üzədir. Aralarında məsafə 3 km kimi qısalıb. Bu şəhərin kimin əlində olacağl sual doğurur. Rusiyada çalışır ki, Türkiyə Əl- Babdan geri çəkilsin. Mövqeyi Suriya ordusuna buraxsın. TSK Əl-Babsan çəkilməsi indiki şərtlər çərçivəsində mümkün görünmür.  Məhz Türkiyə  bu qədər şəhid hesabına Əl-Babı Suriya ordusuna buraxması, məğlubiyyətə yol açar."