Türkiyə vətəndaşının evindən oğurluq edən şəxslər tutulub

 Bakıda Türkiyə vətəndaşının evindən oğurluq edən şəxlər tutulub.

Bu barədə "Report"a Bakı Şəhər Baş Polis İdarəsinin (BŞBPİ) mətbuat xidmətindən bildirilib.

Belə ki, Xəzər Rayon Polis İdarəsi 2-ci Polis Bölməsi əməkdaşlarının keçirdiyi əməliyyat tədbirləri nəticəsində, 2014-cü ilin oktybr ayından martın 12-dək müddətdə, Bakı şəhər sakini Məzahir Ağayevin Binə qəsəbəsi yeni yaşayış sahəsində yerləşən bağ evindən oğurluq etməkdə şübhəli bilinən Bakı şəhər sakinləri - 1994-cü il təvəllüdlü Ramin Emin oğlu İsrafilov və 1995-ci il təvəllüdlü Rasim Xaliq oğlu Yusifov tutulub. Aparılan araşdırmalar nəticəsində məlum olub ki, onlar bu il fevralın 10-da saat 21 radələrində Binə qəsəbəsində yaşayan Türkiyə vətəndaşı Uyanik Hüseyinin Ə.İsazadə küçəsində yerləşənevindən plastik pəncərəni açmaq yolu ilə 200 manat və 2 ədəd qol saatı oğurlayıb.

Qeyd olunan faktlarla bağlı araşdırmalar davam etdirilir.