Vəhabilər Biləcəridə qan tökdü

Bir gənc bıçaqlandı

Vətəninfo.az-a Biləcəri qəsəbəsində yaşayan bir qrup sakindən məktub daxil olub. Həmin məktubda özlərini sələfi adlandıran insanların törətdikləri hadisədən söhbət gedir.

Məlumata görə, bir neçə gün bundan əvvəl Biləcəri qəsəbəsində yerləşən poliklinikanın qarşısında bir gənc vəhabi təriqətinə uyğun saqqal və şalvar formasında olan biriylə mübahisəsi düşüb.

Söz atışmalarından sonra vəhabi gedir və qısa zamandan sonra 2 maşın adamla geri dönür. Gələnlər həmin gənci yaxalayıb öncə döyürlər, sonra isə üzünü bıçaqla yarıblar. Bu zaman da ətrafdakılara uca səslə bəyan ediblər ki, əgər kimsə bundan sonra sələfilərə söz atsa, ilişsə vəziyyəti bundan da pis olacaq. Gələnlər bundan sonra ani gəldikləri kimi ani də aradan çıxıblar. Şahidlərin dediyinə görə vəhabilərin gənci döyməklərinin səbəbi onun dediyi sözlər olub. Belə ki İraqda İŞİD terror təşkilatının törətdiyi hadisələrdən təsirlənən bu gənc onlar kimi görünüşü olan vəhabiyə bu barədə iradlarını deyir. Bundan sonra da mübahisə başlayıb. Hadisə yerinə polisin gəlməsinə baxmayaraq, təqiqət üzvüləri izlərini itirə biliblər.

Vətəninfo.az