“Veysəloğlu” şirkəti media nümayəndələri üçün İnfo Tur təşkil etdi

"Veysəloğlu” Şirkətlər Qrupu və "Ulduz” Şokolad Fabriki ölkə mətbuatının yaranmasının 140 illiyi münasibəti ilə bir qrup KİV nümayəndəsinin Qəbələ və Oğuz rayonlarına 2 günlük İnfo Turunu təşkil edib.

Səfərin zamanı "Veysəloğlu” Şirkətlər Qrupu və "Ulduz” Şokolad və Karamel Fabriki haqqında mətbuat nümayəndələrinə geniş məlumat verilmiş, onlara şirkətimizin uğur yolunu əks etdirən Tanıtım filmi göstərilib.

Şirkətin İctimaiyyətlə əlaqələr şöbəsinin müdiri İlham Məmmədov Veysəloğlu MMC və Ulduz Fabrikinin rəhbərliyi adından səfərdə iştirak etmiş, həmçinin müxtəlif səbəblərdən iştirak edə bilməyən bütün jurnalistləri bir daha Milli Mətbuat günü münasibəti ilə təbrik etmiş onlara bu çətin və şərəfli yolda uğurlar arzulayıb.

Səfərdə iştirak edən jurnalist heyəti "Veysəloğlu” Şirkətlər Qrupunun rəhbərliyinə dərin təşəkkürlərini bildirib, təşkil edilmiş bu səfər proqramı üçün Şirkət rəhbərliyinə minnətdarlıqlarını ifadə ediblər.