Vokalçı vəfat etdi

“A Studio” qrupunun birinci vokalçısı Batırxan Şukenov vəfat edib.

Simsar.az “İnterfax.ru”ya istinadən xəbər verir ki, musiqiçi ürək tutmasından dünyasını dəyişib. Bədbəxt hadisə Moskva şəhərində baş verib.

Mətbuata verilən açıqlamaya görə, musiqiçinin dəfni Almaatıda olacaq.

Batırxan Şukenovun qardaşının sözlərinə görə, o, son zamanlar səhhəti ilə bağlı ciddi problemlər yaşayırdı: “Son vaxtlar özünü yaxşı hiss etmirdi. Hadisə onun evində baş verdi. Təcili yardıma zəng etdik və... Budur. Onu itirdik...”

Qeyd edək ki, Batırxan Şukenov 1962-ci ilin 18 may tarixində Qazaxıstanda doğulub. “A Studio” qrupunun tərkibində ifa etdiyi mahnılar musiqiçini qısa müddətdə bütün dünyada sevilən müğənnilərdən birinə çevirib.

Vətəninfo.az