Nazirin əmri ilə MN Təşkilat-Səfərbərlik İdarəsinin rəisi, polkovnik Hikmət Xalıqov vəzifəsindən azad edilib. Məlumata görə, polkovnik yaş senzi ilə əlaqədar vəzifəsini itirib.  

 

H.Xalıqov bu vəzifəsindən əvvəl Biləcəri Toplanış məntəqəsində çağırış məntəqəsində rəis vəzifəsində çalışıb. Sonra keçmiş nazir Səfər Əbiyev onu cəzalandıraraq, mayor rütbəsinə uyğun vəzifəyə təyin edib. 

 

2014-cü ildə isə müavin postundan rəis postuna yüksəlib, yəni məşhur general-leytenant Yaşar Aydəmirovu əvəzləyib. Bir neçə ay sonra isə nazirdən daha bir mükafatlandırma gəlib. Prezidentin sərəncamı ilə "Vətən uğrunda” medalı ilə təltif edilib. 

İnformasiyanı yayan BakiPost.az portalına nazirliyin mətbuat xidmətindən xəbəri təsdiqləməyiblər: "Bizdə bu barədə məlumat yoxur".