1. Miq.az
  2. Özünü asan "İlin ən yaxşı müəllimi"nin məktubu tapıldı: "Mənim ölümümdə..."

Özünü asan "İlin ən yaxşı müəllimi"nin məktubu tapıldı: "Mənim ölümümdə..."

Özünü asan
Tarix: 24.11.2016 16:00
Baxış sayı: 685

Abşeron rayonunda 66 yaşlı müəllim özünü yaşadığı evdə asaraq intihar edib.

Miq.az report-a istinadən məlumatına görə, hadisə Xırdalan şəhəri, Füzuli küçəsindəki evlərdən birində qeydə alınıb.

Belə ki, 1950-ci il təvvəllüdlü Mirzəyeva Azelma Xamis qızı yaşadığı evdə özünü asaraq intihar edib.

Məlumata görə, A.Mirzəyevanın meyiti onun evinə fərdi təhsil almağa gələn şagirdləri tərəfindən aşkarlanıb.

Polis əməkdaşlarının hadisə baş verən evə keçirdiyi baxış zamanı evin qonaq otağında stolun üzərində "Mənim ölümümdə heç kəsi günahlandırmayın" yazısı olan kağız parçası tapılıb.

Qeyd edək ki, A.Mirzəyeva 297 saylı orta məktəbdə 39 il İngilis dili müəllimi kimi fəaliyyət göstərib. Onun həyat yoldaşı 15 il bundan qabaq vəfat edib, övladı yoxdur.

297 saylı orta məktəbdən verilən məlumata görə, A.Mirzəyeva 2015-ci ildə təqaüdə çıxıb. O, 2002-ci ildə respublika üzrə "İlin ən yaxşı müəllimi" 2-ci dərəcəli diplomu ilə seçilib.

Faktla bağlı araşdırmalara başlanılıb. Müəllimin intihar etməsinin səbəbləri araşdırılır.
 
Miq.az 


Həmçinin oxuyun

İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
BİZİMLƏ ƏLAQƏ

Tel: +994 55 875 56 58
[email protected]

www.miq.az