1 iyun Uşaqların Beynəlxalq Müdafiəsi Günüdür

Bu gün Azərbaycanda Uşaqların Beynəlxalq Müdafiəsi Günü qeyd olunur. BMT Baş Assambleyası tərəfindən 1950-ci il iyunun ilk gününün Uşaqların Beynəlxalq Müdafiəsi Günü qeyd olunması qərara alınıb. Həmin gün təşkil olunan "Qadınların Beynəlxalq Konfransı"nda uşaq hüquqlarının təmin edilməsi ilə bağlı təkliflər səslənib və elə həmin tədbirdə də 1 iyun tarixini uşaqların beynəlxalq müdafiəsinə həsr etmək qərarı verilib. Bundan sonra iyunun 1-i Uşaqların Beynəlxalq Müdafiəsi Günü kimi tarixə düşüb. Dünyanın əksər ölkələrində olduğu kimi, bu tarix Azərbaycanda da qeyd edilir.
Bu bayramla yanaşı BMT -nin Baş Assambleyası tərəfindən hər il noyabrın 20-də Ümumdünya Uşaqlar Günü də qeyd olunur. "Ümumdünya Uşaqlar Günü" 1954-cü ildə BMT -nin Baş Assambleyasının qətnaməsində 1956-cı ildən başlayaraq bütün dövlətlərdə uşaqların şərəfinə keçirilməsi tövsiyə olunan bayram kimi qeyd olunub.
Qeyd edək ki, Azərbaycanda uşaqlara dövlət qayğısının gücləndirilməsi, uşaq problemlərinə vətəndaş cəmiyyəti qurumlarının diqqətinin artırılması və ölkənin uşaqlarla bağlı demoqrafik perspektivlərinin müəyyənləşdirilməsi məqsədi ilə Azərbaycan Prezidenti 2008-cil dekabrın 22-də sərəncam imzalayıb. Sərəncama görə 2009-cu il "Uşaq ili" elan edilib.

Vətəninfo.az