Azərbaycanda məsciddən küllü miqdarda pul oğurlanıb

Hacıqabul rayonunda məsciddən oğurluq edilib. Bu barədə Publika.Az-a Hacıqabul rayon Polis Şöbəsindən məlumat verilib. Məlumata görə, rayon mərkəzində yerləşən “Cümə” məscidindən oğurluq hadisəsi qeydə alınıb.

Məscidin kənarında, yola yaxın yerdə quraşdırılan nəzir qutusu oğurlanıb. Səhər namazına gələn məscidin axundu Vidadi Əliyev nəzər qutusunun oğurlandığını görüb və bu barədə rayon polis şöbəsinə məlumat verib.

Hazırda polis əməkdaşları tərəfindən məsciddən oğurluq edən şəxs və ya şəxslərin müəyyən edilərək tutulması istiqamətində əməliyyat-axtarış tədbirləri həyata keçirirlər.