Azərbaycanda tanınmış jurnalist polisə çağrılıb

Bu gün tanınmış jurnalist Təhminə Tağızadə Gəncə Şəhər Polis İdarəsinə çağırılıb.

Bu barədə “Veteninfo.az”a jurnalist özü bildirib. Onun sözlərinə görə, polisə çağrılmağının dəqiq səbəbini bilmir:
“Düzü mənə səbəb aydin deyil. Mənə çatan məlumata görə saxlanmama bir bəhanə tapmaq üçün bələdiyyənin məndən şikayətini əsas gətirirlər. Amma aydın deyil nə şikayətdir. Çox güman ki, şikayət yenə mənim guya özümü ANS müxbiri kimi təqdim etməm barədə uydurma olacaq”. – deyə qeyd edən T.Tağızadə əlavə edib ki, rəsmi çağırış göndərilmədiyi üçün polis idarəsinə getməyəcək:
“Mənim hüquqlarımın müdafiəsi ilə məşğul olan şəxslərlə məsləhətləşib belə qərara gəldik ki, rəsmi çağırış olunmadan getməyim. Hazırda bu sənədi gözləyirəm”.
Qeyd edək ki, tanınmış jurnalist mayın 12-də evləri sökülən vətəndaşlarla jurnalist söhbət edərkən polis tərəfindən saxlanılmışdı.

Mirvari Nəcəf