Lənkəranda qocaman jurnalist Səlim Ağayev dünyasını dəyişib. Miq.Az xəbər verir ki,  mərhum bu gün yaşadığı Lənkəran şəhərində 81 yaşında vəfat edib. S.Ağayev uzun müddət Azərbaycan Dövlət Televiziyasının bölgə müxbiri, "Leninçi" (indiki "Lənkəran") rayon qəzetinin əməkdaşı, Lənkəran radio verilişləri redaksiyasının məsul redaktoru vəzifələrində çalışıb.

1964-1968-ci illər arasında  o vaxtkı "Leninçi" (indiki "Lənkəran") qəzetində əvvəl müxbir, sonra şöbə müdiri və redaktor kimi fəaliyyətini davam etdirmişdir.  O, ”Leninçi"qəzetiylə yanaşı, o dövrün məşhur satirik  jurnalı olan "Kirpi"də, "Azərbaycan qəzeti", "Azərbaycan müəllimi" qəzetlərində də bir çox məqalə və felyetonları ilə öz fəaliyyətində yeni səhifələr açıb. Səlim müəllimin səs-sədası tez-tez radio və televiziyadan da gəlməyə başlayır. Onun mətbuatdakı maraqlı, günün tələbləri səviyyəsindəki çıxışları oxucu, dinləyici və tamaşaçilarin dərin rəğbətini qazanıb.

1968-ci ildə Baki Ali Partiya Məktəbinə daxil olmuş, iki ildən sonra ikinci ali təhsilini tamamlamışdir. 1971-ci ildə Səlim Ağayevin həyat və yaradıcılığının  ən parlaq mərhələsi başlayır: O vaxtkı Azərbaycan Dövlət Teleradio Verilişləri Komitəsinin  sədri mərhum Qurban Yusifzadənin təklifi ilə Azərbaycan televiziyasinda Lənkəran zonası uzrə müxbir təyin edilir.  Hazırladıği xəbər, müsahibə, reportajlar həmişə xalqin diqqətində olmuşdur.  Bu böyük ziyalının omrünün 45 ili qəzet və teleradio jurnalistikasina həsr edilmişdir.  Səlim müəllim jurnalist olmaqla bərabər, həm də qayğikeş, mehriban ağsaqqal idi.