Azərbaycanlı gənclər gürcü dili gününü qeyd ediblər

Marneuli şəhərinin mərkəzi istirahət parklarının birində Gürcüstanın Azərbaycanlı Gəncləri İttifaqının (GACİ) təşkilatçılığı ilə Gürcüstanda qeyd olunan “Gürcü dili” günü keçirilib. “Vətəninfo”nun məlumatına görə. tədbiri açıq elan edən GAGİ-nin sədri Leyla Məmmədova gənclərə üzünü tutaraq söyləyib ki, Gürcüstanda yaşayan azərbaycanlı gənclər bu ölkəni sevməli, onun tarixini, mədəniyyətini, ədəbiyyatını və ən əsası dilini mükəmməl şəkildə bilməlidir. “Bizim ana dilimiz - Azərbaycan dilidir, ikinci ana dilimiz isə   gürcü dili olmalıdır. Hər iki dili mükəmməl şəkildə bilməliyik”, - deyə o qeyd edib. Tədbirdə iştirak edən GAGİ-nin yeniyetmələr üçün fəaliyyət göstərdiyi “Bacarıqlı Əllər”dərnəyinin üzvləri, ibtidai və yuxarı  sinif şagirdləri, gənclər və körpələr gürcü dilində şer, mahnı və rəqslər ifa ediblər. Gürcü dili, mədəniyyəti və adətləri haqqında gürcü dilində danışan yeniyətmə-gənclər bu ölkəyə məhəbbətlərini ifadə ediblər. Müxtəlif müsabiqələrin keçirilməsi və gənclərə həvəsləndirici hədiyyələrin təqdim olunması ilə davam edən tədbir iştirakçıların Gürcüstanın dövlət himnini ifa etmələri ilə başa çatıb. 

Əli