Bakı meriyası dilimizi qorumaqda acizdir

Reklam haqqında qanuna görə, reklamlarda ilk öncə Azərbaycan dili, daha sonra digər dillər istifadə edilməlidir.

“Vətəninfo.az” xəbər verir ki, son illər dilimizə qarşı hörmətsizlik davam edir və burada Bakı Şəhər İcra Hakimiyyətinin günahı böyükdür. Şəhər İcra başçısı Hacıbala Abutalıbov başda olmaqla, şəhər meriyası Azərbaycan dilinin qorunmasında ən aciz orqanlardan biridir. Belə olmasaydı, Xaqani ticarət mərkəzində yerləşən dükan və obyektlər buna riayyət edərdilər. Şəhərin mərkəzində yerləşməsi və turistlərin daha çox buradan istifadə etməsini nəzərə alsaq, Azərbaycan dilinə hörmətsizliyi turistlər də görürlər. Xaqani Ticarət Mərkəzində yerləşən “Outlet” mağazası buna bariz nümunədir. Bu mağaza da Azərbaycan dilinə hörmətsizlik edərək, dükanın pəncərəsinə vurduqları reklamdan da görmək olar ki, ilk öncə ingilsi dilində,sonra rus dilindən istifadə edilib. Ən sonda da Azərbaycan dilindən istifadə edebib vitirinin ayaq hissəsində Azərbaycan dilində "endirim" sözü yazılıb.Meriya deyəsən daha çox yeni bulvara 40 min AZN dəyərində ağacların əkilməsinə başını qatdığından, şəhərin mərkəzində nələr baş verir görə bilmir.

Kamran