Bakıda sökülən bina üzlüyü gənci yaraladı

Başından ağır xəsarət alan gənc oğlan xəstəxanaya yerləşdirilib

Bakının Binəqədi rayonunda bədbəxt hadisə baş verib. Binəqədi rayon Polis İdarəsi 5-ci polis bölməsindən ANS PRESS-ə verilən məlumata görə, binanın üzlüyü sökülərkən dəmir parçası yoldan keçən bir nəfərin başına düşüb.
Hadisə Atatürk prospekti 56 ünvanında qeydə alınıb. Söküntü zamanı başına dəmir parçası düşən 1994-cü il təvəllüdlü Kamil Nehmətov olub.
Hadisə nəticəsində Kamil Nehmətov ağır yaralanıb. Onu ağır vəziyyətdə Elmi-Tədqiqat Travmatologiya və Ortopediya İnstitutuna yerləşdiriblər.
Faktla bağlı araşdırma aparılır.
Xatırladaq ki, may ayının 19-da Bakının Binəqədi rayonunda 16 mərtəbəli binanaın fasadında güclü yanğın baş verib. Üzlük materialın alovlanması nəticəsində 15 nəfər ölüb. Onlardan 4-ü azyaşlı olub.

Vətəninfo.az