Bakıdakı dəhşətli intiharla bağlı – Təfərrüat/Video

Paytaxtın Bakıxanov qəsəbəsində dəhşətli intiharla bağlı yeni xəbərlər gəlməkdədir.

Vizual.azAxar.az-a istinadən xəbər verir ki, 25 yaşlı ana - Ayişə Dadaşovanın özünü yaşayış binasının 19-cu mərtəbəsindən atmasına səbəb ərinin valideynləri tərəfindən qəbul edilməməsi olub.

Ayişənin üç yaşlı övladı olsa da, ailə qurduğu gündən intihara qədər həyat yoldaşının valideynləri onu istəməyiblər.

Məlumata görə, Ayişənin yoxsul ailənin övladı olması ərinin imkanlı valideynləri üçün arzuolunmaz amilə çevrilib. Bu da ailədə uzunmüddətli mübahisələrə gətirib çıxarıb.

Deyilənə görə, Ayişə ilə əri bir-birini sevərək ailə qurublar. Oğlan onu ailəsinə qəbul etdirə bilmirmiş. Ancaq Ayişəni sevdiyi üçün ailəsinə qarşı çıxaraq onunla evlənib. İmkanlı ailənin övladı olsa da, o, kirayədə yaşamalı olub.

Xəbərə görə, onların arasında mübahisələr böyüməyə başlayıb. Amma Ayişənin intihar edəcəyi ərinin ağlına da gəlməyib.

Qeyd edək ki, Ayişə Yavər Əliyev küçəsindəki "Uğur-2” yaşayış binasına çıxaraq özünü atıb. Övladının ondan alınacağına görə bu addımı atdığı deyilir. Bu ailənin Komsomol dairəsi ərazisində kirayədə yaşadığı bildirilir.