Bağlanan metrostansiyaları açıldı

Bu gün səhər saat 6-dan “20 Yanvar”-“Dərnəgül” istiqamətində qatarların hərəkəti bərpa olunub.

"Vətəninfo.az" xəbər verir ki, avqustun 9-dan Bakı Metropoliteninin “20 Yanvar-Dərnəgül” sahəsi müvəqqəti olaraq bağlanmışdı. Bu müddətdə “20 Yanvar”, “Memar Əcəmi”, “Nəsimi”, “Azadlıq prospekti” və “Dərnəgül” stansiyalarınada sərnişinlərə xidmət göstərməyib. Bakı Metropoliteninin "20 Yanvar" - "Dərnəgül" sahəsinin avqustun 9-13-də bağlanması yeni metro xəttinin tikintisi çərçivəsində “Memar Əcəmi" stansiyasının altından 21 metrlik tunelin çəkilməsi ilə əlaqədardar idi.

Bakı 3 nömrəli Metro Tünel Tikinti idarəsinin sahə rəisi Yusif Davudov bildirib ki, tunel B-1 stansiyasından ("Avtovağzal") B-2 stansiyasınadək ("Memar Əcəmi-2") stasiyasını birləşdirir. Memar Əcəmi-2 stansiyasına kimi tunelin 2 kilometr hissəsi tikilib başa çatdırılıb. Bundan sonra 1300 metrə uzunluğunda B-3 stansiyasınadək (hərbi hospitalın yaxınlığı) çəkilməsin başlanacaq.