Bir müddət öncə səhhətində problemlər yaşayan şair Musa Yaqubdan xəbər var.

Hazırda İsmayıllının Buynuz kəndində istirahət edən şair səhhətindən şikayətlənib: "3 aydır ki Buynuz kəndindəyəm, dincəlirəm. Amma dava-dərmansız qala bilmirəm. Bir il əvvəl Türkiyədə böyrək əməliyyatı keçirdim, amma yenə də səhhətimdə problemlər olur. Böyrəklərim sözümə baxmır, yenidən daş əmələ gəlib. Deyəsən, bu daşlar mənimlə əbədi yoldaş olacaq”. 

Bir-iki günə Bakıya gələcəyini deyən şair doğma kəndindən əliboş qayıtmayacağını açıqlayıb: "Payızdır, duyğulanmışam. Yeni şeirlər yazmışam, Bakıya gələndə çap etdirəcəyəm. Payızın əvvəli, bizlərin axırıdır. Görək ömür harda qırılacaq”.