Dənizdə batan 38 yaşlı kişinin cəsədi tapılıb

“Vətəninfo.az” xəbər verir ki, Fövqəladə Hallar Nazirliyinin məlumatına görə, 1974-ci il təvəllüdlü Elxan Ağamolla oğlu Quliyev Bakı şəhəri, Qaradağ rayonu ərazisində dənizdə (ən yaxın xilasetmə məntəqəsindən 2 km aralıda, nəzarətsiz ərazidə) çimərkən batıb.Dərhal FHN-in Dövlət Sularda Xilasetmə Xidmətinin dalğıc-xilasediciləri hadisə yerinə cəlb edilib və axtarışlara başlayıblar. Quliyevin cəsədi dalğıc-xilasediciləri tərəfindən tapılaraq sudan çıxarılıb və aidiyyəti üzrə təhvil verilib.