Rəis də öz növbəsində "Allah xeyir versin, get tik” deməklə qarşılıqlı şəkildə razılaşdıq. 2 saat keçdikdən sonra Qabil müəllim məni yanına çağıraraq "20 kv. Metr səni qane edəcəkmi” sualını verdi. Və belə bir məsləhət etdi ki, 50 kv. Metr də tikintiyə əlavə edək. Sənətlər tam hazır olduğdan sonra sənə təqdim edəcəyəm. Bunun muqabilində məndən 5000 manat tələb etdi. Razılaşmaya əsasən mənə məxsüs 20 kv.metr torpaq sahəmin sənətlərini və tələb etdiyi 5000 manatı kabinetində Qabil Quliyevə verdim. İsrarla mənə bildirdi ki, "Sən get tikintiyə başla, 70 kv. Metr sahənin sənətlərini bu yaxınlarda sənə verərəm. Onun bu təklifindən sonra mən tikintiyə başladım.

 Təxminən 10 gün keçdikdən sonra Qaçqınların və Məcburi Köçkünlərin İşləri üzrə Dövlət Komitəsinin Mənzil İstismar Departamentinin müdir müavini Qulu adlı şəxs mənim mobil telefonuma zəng edərək təcili tikintini dayandırmağı tələb etdi. Bundan sonra Qulu müəllim əraziyə gələrək tikintinin qanunsuz olduğunu bildirdi. MKİS-nin rəisi Qabil Quliyev və Qaçqınların və Məcburi Köçkünlərin İşləri üzrə Dövlət Komitəsinin Mənzil İstismar Departamentinin müdir müavini Qulu müəllim arasında dəhşətli mübahisə yarandı. Görünür, Qabil Quliyev vəzifə səlahiyyətlərindən istifadə edərək məndən aldığı 5000 manatı mənimsəyib. Dəfələrlə Qabil müəllimin kabinetinə gedərək ona verdiyim 5000 manatı tələb etmişəm.

 

 Müşfiqabad qəsəbəsi Mənzil- Kommunal İstismar Sahəsinin rəisi Qabil Quliyev bir neçə dəfə məni hədələyərək həbs edəcəyini bildirib. Hətda onun dediyinə görə Baş nazirin müavini, Dövlətqaçqınkomun sədri Əli Həsənovun yaxın adamı olduğunu söyləyir. Məcburi köçkün olaraq bu gün sizlərdən kömək diləyirəm. Bəlkə də, Əli Həsənovun adından istifadə edən MKİS-nin rəisi Qabil Quliyev özünə çox arxayındır. İnana bilmərəm ki, çox hörmətli Əli Həsənov bu cür məmurlara havadarlıq etsin.

 Miq.az olaraq bildirmək istəyirik ki, məsələ ilə bağlı geniş araşdırmalar apardıq. Bir sözlə, Müşfiqabad qəsəbəsi Mənzil- Kommunal İstismar Sahəsinin rəisi Qabil Quliyev ərazini elə bir vəziyyətə salıb ki, bizi dəhşət bürüdü. Məcbüri köçkünlərə nəzərdə tutulmuş su Qabil müəllim tərəfindən imkanlı şəxslərə satılıb. Digər tərəfdən piyadalar üçün nəzərdə tutulmuş səki artıq zəbt edilib. Deyilənlərə görə, səkinin üzərində tikilən dükanlar Qabil Quliyev tərəfindən satılıb. Sadaladıqlarımız bununla bitmir. Dəhşətlisi budur ki, adi bir MKİS-nin rəisi Əli Həsənovun adından istifadə edərək vətəndaş Üzeyir Quliyevi aldatmaqla yanaşı ciddi qanun pozuntusuna yol verib. Araşdırmalarımız davam edir..