FHN-in məlumatı

Fövqəladə Hallar Nazirliyi Bakıda ölümlə nəticələnən yanğın hadisəsi ilə bağlı məlumat yayıb.

Vətəninfo.az APA-ya istinadla xəbər verir ki, Bakı şəhəri, Suraxanı rayonunda bir-birinə bitişik, ümumi sahəsi 129 kv.m olan birmərtəbəli fərdi yaşayış evində 1-ci ailəyə məxsus 1 otağın yanar konstruksiyaları 21 kv.m sahədə, 2-ci ailəyə məxsus 2 otağın yanar konstruksiyaları 42 kv.m sahədə, 3-cü ailəyə məxsus ümumi sahəsi 66 kv.m olan 2 otağın lambirdən ibarət tavanı və dam örtüyü 42 kv.m sahədə yanıb.
Yanğının kəşfiyyatı zamanı ev sahibi, 1948-ci il təvəllüdlü Səlimova Tamella Yusif qızının yanmış meyiti yanğınsöndürənlər tərəfindən aşkar olunub. Evin qalan hissəsi yanğından mühafizə edilib.
Yanğın saat 09:50-də yanğınsöndürənlər tərəfindən söndürülüb.