1. Miq.az
  2. Goranboyda qardaşın bacısını qətlə yetirməsinin üstü 7 ildən sonra açılıb

Goranboyda qardaşın bacısını qətlə yetirməsinin üstü 7 ildən sonra açılıb

Goranboyda qardaşın bacısını qətlə yetirməsinin üstü 7 ildən sonra açılıb
Tarix: 29.03.2018 16:22
Baxış sayı: 428

Goranboyda 2011-ci ildə törədilən qətl hadisəsinin üstü açılıb.
 
APA-nın qərb bürosunun verdiyi məlumata görə, 7 il əvvəl qətlə yetirilən, rayonun İrəvalı kəndində yaşayan 1983-cü il təvəllüdlü Rəxşəndə Hüseynovanın meyiti qardaşının yaşadığı evin zirzəmisindən çıxarılıb.
Araşdırma zamanı məlum olub ki, R. Hüseynova 2011-ci ildə qardaşı – 1985-ci il təvəllüdlü Aydın Hüseynov tərəfindən boğularaq öldürülüb. Daha sonra isə meyit evin zirzəmisində basdırılıb. Qətli törədən A. Hüseynov saxlanılıb.
Məlumata görə, R. Hüseynova ailəli olub. 2008-ci ildə boşanaraq qardaşı ilə birgə yaşamağa başlayıb. Qadının yüngül həyat tərzi keçirdiyi və dəfələrlə xarici ölkələrə getdiyi bildirilir. Qohumları qadını qardaşlarından soruşanda onun Türkiyədə yaşadığı deyilib. Qardaşları dəfələrlə ona həyat tərzinə qarşı iradlar bildirsələr də, qadın deyilənlərə məhəl qoymayıb. Nəticədə 2011-ci ildə qardaşı A. Hüseynov onu boğaraq qətlə yetirib.
R. Hüseynovanın iki qardaş və iki bacısının olduğu bildirilir.
Faktla bağlı Goranboy rayon Prokurorluğunda cinayət işi açılıb, istintaq gedir.
 
Miq.az


Həmçinin oxuyun

İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
BİZİMLƏ ƏLAQƏ

Tel: +994 55 875 56 58
[email protected]

www.miq.az