İrkutskda oğurlanan azərbaycanlı qız 16 yaşlı oğlanla Ulan-Udedə tapılıb

Aprelin 10-da İrkutskda oğurlanan 14 yaşlı azərbaycanlı qız tapılıb. «Veteninfo.az” saytının məlumatına görə, qız Ulan-Udedəki otellərin birində həmyerlisi olan 16 yaşlı yeniyetmə oglan ilə birgə saxlanılıb. 16 yaşlı azərbaycanlı gənc qızı evlənmək məqsədi ilə qaçırıbmış. Polisə aparılanda qaçırılan qız hüquq-mühafizə orqanlarına oğlana könüllü qoşulub getdiyini bildirib. İndi polis cütlüyün İrkutskdan min kilometrlərlə uzaqdan olan Ulan-Udeyə necə gəlib çıxdığını araşdırır. Artıq faktla bağlı cinayət işi açılıb. Qeyd edək ki, Rusiyada adam oğurluğunda ittiham edilənləri 6 ildən 15 ilədək azadlıqdan məhrumetmə cəzası gözləyir.