Jurnalist Xədicə İsmayılovaya iş kəsildi - 7 il 6 ay

Bu gün Bakı Ağır Cinayətlər Məhkəməsində hakim Ramella Allahverdiyavanın sədrliyi ilə "Azadlıq” radiosunun əməkdaşı Xədicə İsmayılovanın cinayət işi üzrə keçirilən məhkəmə prosesi yekunlaşıb.

Vətəninfo.az Modern.az-a istinadla xəbər verir ki, məhkəmənin hökmü ilə X.İsmayılova 7 il 6 ay müddətinə azadlıqdan məhrum edilib. X.İsmayılovaya qarşı Cinayət Məcəlləsinin 179.3.2 (mənimsəmə və israf etmə - külli miqdarda törədildikdə), 192.2.2 (qanunsuz sahibkarlıq), 213.1 (vergi ödəməkdən yayınma) və 308.2-ci (vəzifə səlahiyyətlərindən sui-istifadə) maddələri ilə ittihamlar irəli sürülüb. O, bu ittihamları rədd edib.