Kim uduzacaq?

"Ola bilər ki, qarşıdakı dövrdə mənzillərin qiymətinin bir qədər azalması və yaxud artması prosesi baş versin. Bu əsasən ölkə iqtisadiyatındakı mövcud vəziyyətin hansı istiqamətə dəyişməsindən asılı olacaq".

Vətəninfo.az xəbər verir ki, bu fikirləri Ölkə.az-a iqtisadçı-ekspert Ramil Osmanlı Azərbaycanın mənzil bazarındakı vəziyyəti dəyərləndirərkən deyib. Onun sözlərinə görə, hazırki vəziyyət alıcılar üçün əlverişlidir:
"Çünki ötən ilin ortalarında və sonunda olan göstəricilərə nisbətdə qiymətlər azalıb. Bu o demək deyil ki, satıcılar öz mənzillərini satmasınlar. Ola bilər ki, qarşıda mənzillərin qiymətinin bir qədər azalması və yaxud artması prosesi baş versin. B əsasən ölkə iqtisadiyatındakı mövcud vəziyyətin hansı istiqamətdə dəyişməsindən asılı olacaq. Yay mövzsümü olduğuna görə proqnozlar qarşıda neftin qiymətinin daha da azalacağından xəbər verir. Ancaq müəyyən birjalardan gələn informasiyalar onu deməyə əsas verir ki, artıq neftin qiymətinin əvvəlki kimi, 60 dolardan aşağı enmə ehtimalı çox azdır. Psixoloji təsir zamanı artıq geridə qaldı. Bu baxımdan neftin qiymətinin artması, o cümlədən Rusiya iqtisadiyyatındakı dinamikanın müsbət istiqamətə dəyişməsi təbii ki, Azərbaycan bazarına da təsir göstərəcək. Eyni zamanda mənzil bazarındakı proseslər Avropa Oyunlarından sonra hökumətin infrastruktur layilərinə və söküntülərə ayıracağı vəsaitlərin həcmindən də asıl olacaq. İndiki halda həm alıcı, həm də satıcı qrupları daha çox aktiv olmağa çalışmalıdırlar".