Ölkə ərazisində "Nar Mobile"nin fəaliyyətində məhdudiyyətlər yaranıb

Bu gün "Nar Mobile" abonentləri öz sim kartlarından istifadə edə bilmirlər. Bunun səbəbi isə təkmilləşdirmə işləri ilə əlaqədar şəbəkədə yaşanmış texniki problemlərdir. Təkmilləşdirmə işləri aparıldığı üçün şəbəkə itir və zənglərin edilməsi məhdudlaşır. Lakin bu müvəqqətidir.

Nar Mobile abonentlərinə xəbərdarlıq edir ki, təkmilləşdirmə işləri tezliklə başa çatacaq və yenidən öz fəaliyyətini davam etdirəcək.

Qeyd edək ki, Nar Mobile brendi ilə tanınan Azerfon şirkəti 2007-ci ildə fəaliyyətə başlayıb. Azerfon şirkətinin şəbəkəsi hazırda Azərbaycanın 80% əhatə edir və yüksək səviyyəli rabitə xidmətlərinin təqdim olunması məqsədilə ölkəyə üçüncü nəsil şəbəkəsini 3G texnologiyasına əsaslanan xidmətləri tətbiq edir.

Könül İbrahim