Maşın alanların sayı xeyli azalıb

Bu ilin 4 ayında Azərbaycana 12 890 ədəd avtonəqliyyat vasitəsi idxal edilib. Bu, 2014-cü ilin eyni dövründəkindən 13 842 ədəd azdır.

Deyilən dövrdə xaricdən 11 740 ədəd minik avtomobili alınıb. Bu, 2014-cü ilin eyni dövründəkindən 12 153 ədəd azdır.
Ekspertlər idxal edilən avtomobillərin sayının azalmasını ilin əvvəlindən idxala aksiz dərəcəsinin artırılması, eləcə də sosial-iqtisadi vəziyyətlə bağlayırlar.
İlin əvvəlindən 393 avtobus, 645 yük avtomobili, 112 xüsusi təyinatlı nəqliyyat vasitəsi alınıb.(Turan)