Məhkəmə işdən çıxarılanları işinə bərpa etdi

ASCO (BP şirkətinin subkontraktoru) şirkəndən qeyri-qanuni olaraq işdən azad edilmiş vətəndaşlar məhkəmə yolu ilə işinə bərpa edilib.

Vətəninfo.az  Axar.az-a istinadla xəbər verir ki, bu barədə Neftçilərin Hüquqlarının Müdafiəsi Təşkilatının sədri Mirvari Qəhrəmanlı Feysbuk hesabından məlumat paylaşıb.
Hüquq müdafiəçisi qeyd edib ki, işdən çıxarılan Şamil Vəliyev və Elçin Əliyevin hüquqlarının bərpa olunması barədə 25.05.2015-ci il tarixində məhkəmə qətnaməsi qəbul edilib:
“ASCO (BP şirkətinin subkontraktoru) şirkətdən qeyri-qanuni işdən azad edilmiş və Neftçilərin Hüquqlarını Müdafiə Təşkilatının müdafiə etdiyi Şamil Vəliyevin və Elçin Əliyevin hüquqlarının bərpa olunması barədə dünən məhkəmə qətnaməsi qəbul edilib. Bakı Apellyasiya Məhkəməsinin qərarı ilə ASCO şirkətinin bank hesabına həbs qoyulmaqla, işdən azad edilmə barədə əmrin ləğv edilməsi, işə bərpa və məcburi işburaxmaya görə əmək haqqının ödənilməsi qət edilib”.