İspaniyanın "Barselona” klubunun argentinalı futbolçusu Lionel Messi və onun atası Xorxe Messi barəsində 21 ay müddətinə həbs qərarı çıxarılıb.

 

Axar.az Tayms-a istinadən xəbər verir ki, İspaniya məhkəməsinin çıxardığı qərara görə, futbolçu və onun meneceri olan atası 2013-cü ilin yayından İspaniyada vergidən yayınıb.

 

Hər iki şəxsin 2007-2009-cu illərdə vergi sənədlərini saxtalaşdırmaqla İspaniya büdcəsinə 4.1 milyon avro ziyan vurduğu bildirilib.

 

İspaniya qanunlarına əsasən, cəza 24 aydan az olarsa, şəxslər dəmir barmaqlıqlar arxasında qalmayacaq. Məhkəmənin qərarına əsasən, Messi 2 milyon avro, atası isə 1.5 milyon avro cərimələnib.