"Nəsimi bazarı" yaxınlığında OLAY: Kişiyə 5 bıçaq zərbəsi vurub qaçdı

Bakının Nəsimi rayonunda bir nəfərin bıçaqlanması ilə nəticələnən dava baş verib.

Miq.az "Report"a istinadən xəbər verir ki, "Nəsimi bazarı" kimi tanınan ərazi yaxınlığında 1980-ci il təvəllüdlü Kələntərov Xaliq Yusif oğlunun Elmar adlı şəxslə mübahisəsi düşüb.
Nəticədə X.Kələntərova beş bıçaq zərbəsi vurulub. Yaralı təcili olaraq xəstəxanaya yerləşdirilib.
Nəsimi Rayon Polis İdarəsi faktla bağlı araşdırma aparır.
Hadisəni törədən şəxs oradan qaçıb. O, taksi sürücüsü kimi fəaliyyət göstərir.