Publika.az xəbər verir ki, Şoyqu bu əmri verməsinə Ukraynanın cənub-şərqindəki vəziyyətin və Şimali Qafqazda beynəlxalq terror qruplaşmalarının fəallaşmasının zərurət yaratdığını açıqladı. Lakin bu rəsmi bəyanatı başqa cür də oxumaq mümkündür: Rusiya Ukrayna və Qafqazda yeni müharibəyə hazırlaşır.

Strateji şəraitin tədqiqatı mərkəzinin direktoru, rusiyalı politoloq İvan Konovalov da ölkəsinin mediasına müsahibəsində Kremlin yeni müharibələrə hazırlıq gördüyünü deyib.

"Nəzərə alsaq ki, SSRİ dağılandan sonra Rusiya ən çox cənub istiqamətindən təhdidlərlə qarşılaşıb, o zaman, bu hərbi dairəni gücləndirmək zərurəti başa düşüləndir”.

"Yeri gəlmişkən, Rusiya təkcə Cənub Hərbi Dairəsini yox, Qara dənizdəki hərbi donanmanı və Qərb Hərbi Dairəsini də möhkəmləndirir”, - deyə o bildirib.

"Ukraynada müharibə real görünür. Qafqazda isə müharibənin Dağlıq Qarabağ münaqişə zonasında baş verməsi gözləniləndir. Həmçinin, Moskva Qərb Hərbi Dairəsini möhkəmləndirərək, oradan gələ biləcək təhlükələri önləməyi düşünür. Görünən odur ki, Moskva bütün cəbhələrdə böyük müharibəyə hazırlaşır”.