““Qarabağ” yaxşı təşkilatlanmış komandadır” - Besnik Hasi

Avropa Liqasının qrup mərhələsinin sonuncu turunda bu gün "Qarabağ”la qarşılaşacaq Belçikanın "Anderlext" klubunun baş məşqçisi Besnik Hasi oyun öncəsi fikirlərini söyləyib.

Vizual "Qafqazinfo”ya istinadən xəbər verir ki, o, komandanın sabah bütün gücü ilə mübariz aparacağını bildirib. Hasi rəqibin yaxşı təşkil olunmuş komanda olduğunu da vurğulayıb:

""Qarabağ" həmişə yaxşı, təşkilatlanmış futbol sərgiləməyə çalışan komandadır. Rəqibin heyətində qapıya asanlıqla yol tapmağı bacaran futbolçular var. "Monako" və "Tottenhem" onlara qarşı sonadək mübarizə aparmalı oldular. Sabah bizim bir hədəfimiz var - pley-off-a vəsiqə qazanmaq".