Qəzadan sonra sürücü avtomobildə sıxılmış vəziyyətdə qalıb

Abşeron rayonu ərazisində "Mercedes” markalı minik avtomobili ilə "VAZ” markalı minik avtomobilinin toqquşması nəticəsində yol-nəqliyyat qəza hadisəsi baş verib.

Vətəninfo.az "Report”a istinadən xəbər verir ki, nazirliyin müvafiq xilasetmə qüvvələri hadisə yerinə cəlb olunub. Hadisə yerində əməliyyat şəraiti qiymətləndirilərkən məlum olub ki, "VAZ” markalı minik avtomobilinin sürücüsü deformasiyaya uğramış avtomobildə sıxılmış vəziyyətdə qalıb. Xilasedicilər sıxılmış vəziyyətdə qalmış vətəndaşı avtomobildən çıxarıb aidiyyəti üzrə təhvil veriblər.