"Əvəz Zeynallının məhkəməsinə gedim ya yox?"

Müğənni Nüşabə Ələsgərli "Xural" qəzetinin baş redkatoru Əvəz Zeynallının məhkəməsində hakimin “bu dəfə də məhkəməyə gəlmədiyi təqdirdə, növbəti məhkəmə iclasına məcburi olaraq gətiriləcək” sözlərinə aydınlıq gətirdi.
“Vətəninfo.az”a açıqlama verən müğənni sabah keçiriləcək növbəti məhkəmə prosesi haqqında danışdı:
“Hakim bu dəfə də məhkəməyə gəlmədiyim təqdirdə, növbəti məhkəmə iclasına məcburi olaraq gətiriləcəyimi deyib. Hər iki məhkəmə prosesinə vəkilim gedib. Mənim vəkilim var. Mən ora nəyə getməliyəm ki? Sabah da vəkilim gedəcək”
Məhkəməyə gedib-getməyəcəyi barədə bir qədər tərəddüd etdikdən sonra  "mən bilmirəm gedim, ya getməyim. Bilmirəm vallah. Yəqin ki ,mən də məhkəməyə gedərəm”. -deyə bildirdi.
Qeyd edək ki, “Xural” qəzetinin baş redaktoru Əvəz Zeynallının növbəti məhkəmə prosesi iyunun 20-də saat 15.00-da Bakı Ağır Cinayətlər Məhkəməsində hakim Ramella Allahverdiyevanın sədrliyi ilə keçiriləcək.

Könül İbrahim