"Kiminsə alqışı ilə yaranmamışam ki, qarğışları ilə dünyadan gedim"

Teleaparıcı Mətanət Əliverdiyeva “Gün üzü verilişinin qonağı olub. Ötən gün “Gündəlik” verilişində səsləndirdiyi “Biz o faciəni lap belə faciə etməməliyik. Oldu, elə bil bir külək idi, bir şey idi, bir film idi baxdıq, getdi” sözlərinə münasibət bildirən teleaparıcı göz yaşı töküb:

“Hadisə baş verəndə dəhşətə gəldim. Çox həssas insanam. Rəhbərliyə dedim ki, mən efirə çıxmaq istəmirəm. Böyüklərə nəsə olanda insan soyuqqanlı yanaşa bilir, amma körpələr... Evə gəlib uşaqlarımı qucaqlayıb öpdüm. Təsəvvür elədim ki, o analar nələr çəkib. Kimlərsə mənim verilişim vasitəsilə şou etdi. Mənə qarğış edirlər. Kiminsə alqışı ilə yaranmamışam ki, qarğışları ilə dünyadan gedim. Mənim körpə uşağıma qarğış edirlər, mənə pis təsir edir”. 

“Qafqazinfo"