"Xəzərxəbər"in müxbiri döyüldü - Video

Xəzər Xəbər müxbirinə yumruq atan və nalayiq sözlərlə təhqir edən bu şəxslər özünü molla adlandırır. Mollarlar jurnalisti döyməyə cəhd edib.

Görüntülər İsmayıllıda Baba dağı ziyarətində çəkilib. Bu günlərdə ziyarətçilərin çoxaldığı bu ziyarətdə deyəsən mollaların işi də yaxşıdır.

Xəzər Xəbərin Şimal bölgəsi üzrə müxbiri Emin Kərimov da vətəndaşlarla birlikdə ziyarəti işıqlandırmaq üçün burdadır.

Ancaq nöqsanlarının olduğunu bilən bu şəxslər onun sanki bu nöqsanları çəkməyə gəldiyini düşünür və zorakılığa əl atır. Çünki müxbir pətəyə çomaq soxur. Başda özlərini təsdiqləmək üçün Quran da oxuyan bu adamlar müxbirin gözü “Yasin” oxutduran siyahısına sataşanda hövsələdən çıxırlar.

Onlardan biri Yasin oxuyarkən digəri əməkdaşımıza yumruq atır. Sanki müxbir cinayətin üstünü açır. Digəri isə güc gəlmək üçün özünü gah polis, gah da Qafqaz Müsəlmanları İdarəsinin sədri Şeyxulislamın Allahşükür Paşazadənin ən yaxın adamı adlandırır.

Buna yalnız sözlə müqavimət göstərən müxbirizə hətta digər şəxs tüfəngi çıxararaq hədə qorxu gəlir.