Rusiyadan Abxaziyaya S-300 zenit-raket komplekslərinin göndərilməsi və hərbi texnikaların Gürcüstandan keçərək Ermənistana getməsi xəbərləri həqiqəti əks etdirmir.

İstiPress-in məlumatına görə, bu barədə Rusiya Xarici İşlər Nazirliyinin bəyanatında bildirilir

"Təxribatçı səs-küyün həyata keçirilməsi üçün hər şey edilir: Abxaziyanın Gürcüstanla sərhədində nəzarət-buraxılış keçid məntəqələrinin sayının optimallaşdırılması ilə bağlı qərar var. İkitərəfli razılaşmaya əsasən, Cənubi Osetiya vətəndaşları fərdi müqavilə ilə Rusiya ordusunda xidmət edə bilər. Guya Abxaziyaya S-300 zenit-raket yerləşdirilməsi və Rusiya hərbi karvanının Gürcüstandan keçərək Ermənistana getməsi fantastikadır”, - deyə XİN-in məlumatına qeyd olunur.

XİN bəyan edir ki, bütün bunlar martın 28-29-da Cənubi Qafqaz üzrə keçiriləcək növbəti Cenevrə raundu ərəfəsində hazırlanmış xüsusi siyasi tamaşadır.

Martın 22-də Gürcüstanın müxalif "Vahid Milli Hərəkat” partiyasının nümayəndələri jurnalistlərə bildiriblər ki, Bolnisi regionunda Ermənistana hərbi texnika daşıdığı ehtimal olunan şübhəli Rusiya yük maşınları görünüb.