Amma videonun saxta olduğu görünür, çünki hadisə gün batandan sonra, yəni saat 20:40-da baş verdiyi halda, videoda gündüz vaxt təsvir edilir, həm də TR-107-ə aid etdikləri atəş kənddən çox aralı - qoşunların təmas xəttində müşahidə edilir ki, yaş yarımlıq körpənin orda olması heç cür mümkün deyil. Həm də Ermənistan Müdafiə Nazirliyinin təqdim etdiyi səs yazısında aydın deyilir ki, Ermənistan ordusu kəndin yaşayış məhəlləsini vurub. Yəni Xocalı soyqırımında olduğu kimi Ermənistan tərəfi dolayısı ilə olsa da, həyasız şəkildə dinc əhalini atəşə tutduğunu gizlətmir.  

Azərbaycan Müdafiə Nazirliyinin keçmiş əməkdaşı, polkovnik-leytenant Üzeyir Cəfərov İstiPress-ə müsahibəsində Ermənistan tərəfinin bu cür həyasızlığının bir neçə səbəbi olduğunu bildirir:

"Mən Alxanlıda briqada komandirinin müavini olmuşam. Orada kənd qoşunların təmas xəttindən, həmçinin atəş nöqtələrindən bir neçə kilometr arxada yerləşir. Ermənilərin məhz kəndi 82 və 120 millimetrlik minaatanlardan və qumbaraatanlardan atəşə tutmasının səbəbi var. Əhalini qorxudaraq Cocuq Mərcanlıya köçün qarşısını almaq istəyirlər”.           

Üzeyir Cəfərovun fikrincə, dinc yaşayış məntəqəsini atəşə tutan Ermənistan ordusu həm də ATƏT-in Minsk qrupunun həmsədrlərinin qeyri-rəsmi sifarişini yerinə yetirib: "Bir neçə gündən sonra iki ölkənin xarici işlər nazirlərinin görüşü olacaq. ATƏT-in Minsk qrupunun həmsədrləri bununla vəziyyəti gərginləşdirmək istəyirlər ki, öz vacibliklərini vurğulasınlar. Biz onlardan məsələyə reaksiya verməyi tələb etməliyik. Necə olur ki, biz hansısa "Osa” ZRK-nı vuranda ATƏT-in Minsk qrupunun həmsədrləri xüsusi bəyanatla çıxış edirlər. Amma Ermənistan ordusu dincə əhalini qıranda ATƏT susqun qalır”.

Polkovnik-leytenantın fikrincə, Azərbaycan bu məsələyə görə, Ermənistanı sərt cəzalandırmalıdır ki, Sarkisyan rejimi bir daha Xocalı həyasızlığını təkrarlamaq fikrinə düşməsin.