"Sərxoş olmadığım bəlli oldu"

Maşınımı cərimə meydançasından götürməyə gedirəm.

Vizual.az xəbər verir ki, bu sözləri tanınmış prodüser Təranə Səmədova dünən axşam saatlarında yol polisi əməkdaşları tərəfindən saxlanılması ilə bağlı Axar.az-a danışarkən deyib:

"İndi yaxşıyam, əslində, dünən elə də böyük bir şey olmamışdı. Sadəcə, istəmirdim maşınımı cərimə meydançasına aparsınlar. Gözləyirdim ki, dostum gəlsin.

Sonra polis gəldi və məni müayinəyə apardı. Orada müayinədən keçdim, sərxoş olmadığım bəlli oldu. İndi hər şey yaxşıdır. Maşınımı cərimə meydançasından götürməyə gedirəm”.

Xatırladaq ki, Təranə Səmədova dünən axşam saatlarında Post Patrul Xidmətinə tabe olmayıb və nəticədə prodüser süni tıxac yaradılaraq saxlanılıb. Onun sərxoş halda sükan arxasında olduğu bildirilir.