İstanbulda törədilən terror aktından sonra Türkiyə Silahlı Qüvvələri PKK düşərgələrini bombalayıb.

Publika.az xəbər verir ki, Şimali İraqda Zap əyalətində terror təşkilatına qarşı keçirilən əməliyyatda istifadə olunan bombaların üzərində yazılmış sözlər hər kəsin marağına səbəb olub.

Bombaların üzərində "İstanbulda şəhid olan qardaşlarımız üçün...” sözləri yazılıb.

Məlumata görə, dünən axşam 50 dəqiqə ərzində keçirilən əməliyyat nəticəsində terror təşkilatının ana qərargahı da daxil olmaqla 12 hədəfi məhv edilib.