"Xəzər Lənkəran”ın yarımmüdafiəçisi Sadio Tounkara zədəsini sağaldıb.

Vətəninfo.az-ın apasport.az-a istinadla məlumatına görə, malili futbolçu artıq məşqlərə başlayıb.

 Ötən mövsümün sonlarında diz bağlarından zədələnən Tounkara mayın əvvəllərində Türkiyədə cərrahiyyə əməliyyatı keçirmişdi. Bu səbəbdən cari mövsümün ilk 5 turunu kənardan izləməklə kifayətlənən 23 yaşlı oyunçu artıq məşqçilər korpusunun ixtarındadı.

 Bir neçə gündü kollektivlə birlikdə məşq edən Sadionun sentyabrın 27-də "Zirə” ilə VI tur matçında 4 ay yarımlıq həsrətə son qoyması gözlənilir. Baş məşqçi Yunis Hüseynovun qarşılaşmanın son 10-15 dəqiqəsində ona şans verməsi istisna deyil.

 Qeyd edək ki, Tounkara ötən mövsüm Premyer Liqanın XXXII turu çərçivəsində "Bakı” ilə oyunda zədələnmişdi.