1. Miq.az
  2. Zülfüqar Rüfətoğlu yazır: "Deyirsən şəklini göndər..."

Zülfüqar Rüfətoğlu yazır: "Deyirsən şəklini göndər..."

Zülfüqar Rüfətoğlu yazır:
Tarix: 01.01.2019 23:31
Baxış sayı: 2145


"Deyirsən "şəklini göndər”
Axı məni öldürüblər,
Məni bircə güllə ilə,
O dünyaya göndəriblər...

Hansı şəklimi göndərim?
Uşaqlığımdakınımı?
Arxa planda görünən,
O rəhmətlik Bakınımı?

O köhnə şəkillərimdə
Dostlarım durub yanımda,
Kameralar "güllələyib”
Bizi ən xoşbəxt anımda.

Kameralar şaqqıldayıb -
Eləcə donub qalmışıq,
Qəfil şaxtada quş kimi
Budağa qonub qalmışıq.

Təzə ünvanı bilmirəm,
Bilsəm, sənə də verərdim.
Özümdən yüz dəfə gözəl
Şəklimi də göndərərdim.

Deyirsən "şəklini göndər”
Axı məni öldürüblər,
Məni bircə güllə ilə,
O dünyaya göndəriblər...

Mənim sonuncu şəkilim
Qatilin gözündə qalıb,
Darıxsan, başını qaldır,
Şəklim göy üzündə qalıb.

Miq.Az



Həmçinin oxuyun

İSTİFADƏ QAYDALARI

Müəllif hüquqları qorunur.
Məlumatdan istifadə etdikdə istinad mütləqdir.
Məlumat internet səhifələrində istifadə edildikdə müvafiq keçidin qoyulması mütləqdir.
BİZİMLƏ ƏLAQƏ

Tel: +994 55 875 56 58
[email protected]

www.miq.az