ABŞ-dan gəlib, Bakıda ölən qızın toyu olacaqdı - Foto

Bakıda dəm qazının qurbanı olan gənc qız barəsində yeni məlumatlar yayılıb.

VİZUAL.az xəbər verir ki, 1991-cı il təvəllüdlü Nərmin Əzizova əslən lənkəranlı olub. O, şəhərin 4 saylı orta məktəbini bitirib, daha sonra ABŞ-da təhsilini davam etdirib.

Nərmin burada pakistanlı Arib Hafiz adlı şəxslə ailə həyatı qurub. Ancaq ABŞ qanunlarına görə təhsil proqramı yekunlaşdığı üçün vətənə qayıtmalı olub.

O, Azərbaycanda iki il yaşamalı və işləməli idi. Yalnız bundan sonra yenidən Amerikada yaşamaq üçün gedə bilərdi. Nərmin bu məqsədlə paytaxtın Nərimanov rayonunda kirayə ev götürüb və tək yaşayıb.

Hadisə baş verən günün ertəsi onun həyat yoldaşı da Azərbaycana qayıtmağı planlaşdırıb. Məlumatlara görə, onlar Bakıda da doğmaları ilə birlikdə toy təşkil etmək istəyiblər. Ancaq dəm qazı gənc ailə üçün faciəyə gətirib çıxarıb.