Bu dərmanlar bahalaşıb – Siyahı

Prezident İlham Əliyevin göstərişindən sonra ölkədə dərman vasitələrinin qiymətində ucuzlaşma davam edir.

VİZUAL.az-a verilən xəbərə görə, bəzi dərmanların qiymətində isə artım müşahidə olunur.

Əməkdaşımız apteklərdən öyrənib ki, bəzi dərmanlar 1-2 manat bahalaşıb. Məsələn, "Panangin” 2 manat 50 qəpikdən 3 manat 70 qəpiyə qalxıb. "Quttalaks” 3 manatdan 5 manata qalxıb.

Tarif Şurası ümumilikdə 3010 dərman vasitəsinin qiymətini tənzimləyib. 1151 dərman vasitəsi isə təsdiq edilmiş qiymətlərlə artıq satışdadır. Amma dərmanların qiyməti aşağı düşsə də, apteklərdə dərman qıtlığı yaşanmaqdadır.

Tarif Şurası bəyan edir ki, dərmanların qiymətlərinin endirilməsi onların keyfiyyətinə təsir göstərməyib. 1110 dərman vasitəsinin qiyməti 1 dekabrdan, 749 dərman vasitəsinin qiyməti isə 21 dekabr tarixindən qüvvəyə minəcək.