Fatimə prodüser Təranə ilə işbirliyinə son qoydu

Tanınmış rəqqasə Fatimə Fətəliyevanın prodüser Təranə Səmədova ilə işbirliyi uzun sürməyib.
Bunu Vətəninfo.az-a T.Səmədova deyib. O, işlərinin çoxluğu səbəbindən rəqqasə ilə işlərini dayandırdığını bildirdi: “Bizim Fatimə ilə işimizdən əlavə dostluğumuz var. İşlərimin çox olmasından dolayı işbirliyimizə yekun vurmaq qərarına gəldik. Çünki mən bir neçə müğənni ilə işləyirəm. Amma bir dost kimi ona işlərində hər zaman yardımçı olmağa hazıram. Ona da işlərində uğurlar arzu edirəm”.
Onu da xatırladaq ki, rəqqasə Fatimə və müğənni Fəqan Səfərovla da işbirliyinə son qoyan prodüser hal-hazırda müğənni Nəsimi Məmmədov, “Sharm” qrupu və bir neçə gün olar ki, gənc müğənni Lamiyə Novruzova ilə çalışır.

Könül İbrahim