Türkiyənin "Fənərbaxça" futbol klubu dünən Rusiyanın paytaxtı Moskvada hava limanında yüksək təhlükəsizlik tədbirləri ilə qarşılanıb. 

Rusiyanın xüsusi təyinatlılarının mühafizəsi ilə hava limanından ayrılan türk idmançıların yaxınlığına heç kim buraxılmayıb, onlar otelə gedərkən gedərkən yollar tamamilə bağlanıb. Türk idmançılar hava limanına endiyi andan etibarən yüksək səviyyəli dövlət protokolu çərçivəsində tədbirlər görülüb. 

Futbol komandasının üzvləri otelə gəlməzdən öncə otel tamamilə boşaldılaraq hər tərəfdə axtarış aparılıb. Daha sonra isə polis və OMON otelin ətrafını mühasirəyə alıb.

Xatırladaq ki, Rusiya-Türkiyə münasibətlərinin pozulmasından sonra ilk dəfə bir futbol klubu Rusiyanın Lokomotiv komandası ilə qarşılaşmaq üçün Moskvaya gedib.