Fransa prezidenti Emmanuel Makron münaqişə tənzimlənəndən sonra Qarabağa səfər edəcəyini bəyan edib. 

İstiPress-in erməni KİV-inə istinadən verdiyi xəbərə görə, Fransa prezidenti Emmanuel Makron bunu Fransadakı Erməni Təşkilatlarının Əlaqələndirmə Şurasının illik ziyafətində bildirib.

"ATƏT-in Minsk qrupunun həmsədr ölkəsi kimi Fransa Dağlıq Qarabağ münaqişəsinin bütün tərəflərini dinləmək yolunu davam etdirəcək",- deyə o vurğulayıb.

Dağlıq Qarabağ münaqişəsinin həllinə toxunan E. Makron bildirib ki, Fransa kompromis tərəfdarıdır və "status-kvo” problemin həlli deyil.  O qeyd edib ki, Fransa ATƏT-in Minsk qrupunun həmsədr dövlətlərindən biri kimi, münaqişə tərəflərinin dinlənilməsi siyasətini davam etdirəcək.