Mətanət: Saytlarda informasiya qıtlığı varsa salito atım - VİDEO

“Gündəlik” verilişinin aparıcısı Mətanət Əliverdiyevanın ötən həftənin cümə günü canlı yayımda “şpaqat” oturması indiyədək müzakirə olunur.

Məsələyə münasibət bildirməyən olmadı... Mətanət xanımın həmkarlarından tutmuş, MTRŞ rəsmisinə kimi məsələyə münasibət bildirdilər. Nəhayət, aparıcı da susmayaraq özü “şpaqat” məsələsinə elə canlı yayımda münasibət bildirib:

“Ötən həftənin cümə günü “şpaqat” açmışam, 4-5 gündür məndən yazırlar.  Allah mənim canımı sağ eləsin.  Mən bilmirdim ki, saytlarda informasiya qıtlığıdır. Lazımdırsa, siz deyin, mən gündə bir “salto” atım, “şpaqat” açım, nə qədər istəyirsiniz yazın”.

Verilişdə qonaq olan müğənni Rəhim Rəhimli də aparıcıya dəstək çıxaraq xəbərin düzgün formada təqdim olunmamasını söyləyib.

Aparıcı onun əleyhinə danışanlanları vecinə almadığını nümayiş etdirmək üçün canlı yayımda etdiyi hərəkətin video yazısını bir daha nümayiş etdirib./TABLOİD/