Nadiri oxudub pulunu verməyiblər

ANS telekanalında yayımlanan “Şoumən” verilişinə qonaq olan müğənni Nadir Qafarzadə maraqlı açıqlama verib.

Axşam.az-ın məlumatına görə, sənətçi başqasının pulunu mənimsəyənləri qınayıb:

“Gedirsən restorana, çıxıb oxuyursan. Sonra pulunu istəyəndə restoran sahibləri başlayır yalan danışmağa ki, guya bilet satılmayıb, qazanc olmayıb. Halbuki masalarda yer olmur, hətta insanlar pilləkəndə oturub qulaq asırlar. Dəfələrlə belə halla qarşılaşmışam. Bunu edən müdirlər o pulu düz xərcləyə bilmirlər. Kiminsə zəhmətinə göz dikirlər. Sonra başlarına iş gələndə başa düşmürlər ki, Nadirin zəhmətini "yedikləri" üçün bu günə düşdülər. Ona görə də indi qərar vermişəm, əvvəl qonorarımı alıram. Sonra səhnəyə çıxıb mahnımı oxuyuram”.